‘మీర్జాపూర్’ మూవీకి ముందు ఇది తప్పక చూడాల్సిందే.. మేకర్స్ ట్విస్ట్ ఇదే!

ఇండియన్ ఓటీటీ చరిత్రలో ప్రత్యేకమైన గుర్తింపు తెచ్చుకున్న పాపులర్ సిరీస్‌లలో మీర్జాపూర్ ఒకటి. హిందీతో పాటు పాన్ ఇండియా స్థాయిలో ఈ సిరీస్‌కు భారీ ఫ్యాన్ బేస్ ఏర్పడింది. ఈ క్రేజ్‌ను కొనసాగిస్తూ ఇప్పుడు మీర్జాపూర్ కథను సినిమాగా థియేటర్లలోకి తీసుకొస్తున్నారు. సెప్టెంబర్ 4న ఈ చిత్రం ప్రేక్షకుల ముందుకు రానుండగా, తెలుగు మార్కెట్‌పై కూడా మేకర్స్ ప్రత్యేకంగా దృష్టి పెట్టినట్లు తెలుస్తోంది.

ఇదిలా ఉంటే, థియేటర్లలో సినిమా చూసే ముందు మీర్జాపూర్ సీజన్ 1 చూడాలని అమెజాన్ ప్రైమ్ వీడియో సూచించడం ఆసక్తిని రేకెత్తిస్తోంది. దీంతో సినిమాకు సీజన్ 1లోని కథ, పాత్రలు లేదా కీలక సంఘటనలతో సంబంధం ఉండొచ్చనే అంచనాలు మొదలయ్యాయి. సీజన్ 1ను మరోసారి చూస్తే సినిమాలోని కొన్ని అంశాలు మరింత స్పష్టంగా అర్థమయ్యే అవకాశం ఉంది. గురుమీత్ సింగ్ దర్శకత్వం వహించిన ఈ చిత్రంలో దివ్యెందు శర్మ, అలీ ఫజల్, పంకజ్ త్రిపాఠి తదితరులు నటించారు.