మన శంకర వరప్రసాద్ గారు సినిమా కోసం ప్రారంభమైన మెగా కౌంట్‌డౌన్స్

అందరూ ఆసక్తిగా ఎదురుచూస్తున్న సినిమా “మన శంకర వరప్రసాద్ గారు” కోసం మెగా కౌంట్‌డౌన్స్ ఇవాళ్టితో అధికారికంగా ప్రారంభమయ్యాయి. సినిమా ప్రమోషన్స్‌లో భాగంగా 9 రోజులు – 9 ప్రాంతాలు – 9 ప్రత్యేక కార్యక్రమాలు అనే భారీ ప్లాన్‌ను మేకర్స్ సిద్ధం చేశారు. ఈ కార్యక్రమం ద్వారా ప్రేక్షకులకు సినిమాను మరింత దగ్గర చేయాలని టీమ్ భావిస్తోంది.

ఈ ప్రచార యాత్ర జనవరి 3న రాజమండ్రి నుంచి మొదలై, తిరుపతి(4న), నెల్లూరు(5న), విశాఖపట్నం(6న), హైదరాబాద్(7న), తాడేపల్లిగూడెం(8న), అనంతపూర్(9న), వరంగల్(10న), బెంగళూరు(11న) వరకు కొనసాగనుంది. ప్రతి ప్రాంతంలో వేర్వేరు కార్యక్రమాలతో సినిమాపై ఆసక్తిని పెంచనున్నారు. అనిల్ రావిపూడి దర్శకత్వంలో తెరకెక్కిన మన శంకర వరప్రసాద్ గారు చిత్రం జనవరి 12 న థియేటర్లలో విడుదలకు సిద్ధమవుతోంది.