పొల్లాచ్చిలో 'మెగా 158' రెండో షెడ్యూల్ ప్రారంభం

మెగాస్టార్ చిరంజీవి, దర్శకుడు బాబీ కొల్లి కాంబినేషన్‌లో రూపొందుతున్న ‘మెగా 158’ సినిమా రెండో షెడ్యూల్ ప్రారంభమైంది. ఇటీవలే పూజా కార్యక్రమాలతో ప్రారంభమైన ఈ చిత్రం ప్రస్తుతం శరవేగంగా షూటింగ్ జరుపుకుంటోంది. ఈ సినిమాలో చిరంజీవి కూతురు పాత్రలో నటిస్తున్న అనశ్వర రాజన్ కూడా ఈ షెడ్యూల్‌లో పాల్గొంటున్నట్లు సమాచారం.

తదుపరి షెడ్యూల్‌ను వచ్చే నెల 1 నుంచి పొల్లాచ్చిలో ప్లాన్ చేశారు. ఇందుకోసం చిత్ర బృందం హైదరాబాద్ నుంచి బయలుదేరనున్నట్లు తెలుస్తోంది. సుమారు 15 రోజుల పాటు అక్కడ కీలక సన్నివేశాలను చిత్రీకరించనున్నారు. కేవీఎన్ ప్రొడక్షన్స్ నిర్మిస్తున్న ఈ సినిమాకు తమన్ సంగీతం అందిస్తున్నారు. ‘వాల్తేరు వీరయ్య’ తర్వాత చిరు–బాబీ కాంబినేషన్ కావడంతో అభిమానుల్లో భారీ అంచనాలు నెలకొన్నాయి.