‘అవెంజర్స్: డూమ్స్‌డే’ ట్రైలర్ విడుదల..

మార్వెల్ స్టూడియోస్ అత్యంత ప్రతిష్టాత్మకంగా రూపొందిస్తున్న ‘అవెంజర్స్: డూమ్స్‌డే’ చిత్రానికి సంబంధించిన అధికారిక ట్రైలర్‌ను విడుదల చేసింది. డిసెంబర్ 18న ప్రపంచవ్యాప్తంగా థియేటర్లలో విడుదల కానున్న ఈ చిత్రానికి ఆంథోనీ రుస్సో, జో రుస్సో దర్శకత్వం వహించారు. ఈ సినిమాలో రాబర్ట్ డౌనీ జూనియర్ ఆశ్చర్యకరంగా డాక్టర్ డూమ్ పాత్రలో ఎంసీయూకు తిరిగి వస్తున్నారు. ట్రైలర్‌లో థోర్, కెప్టెన్ అమెరికా, ఫాంటాస్టిక్ ఫోర్, బ్లాక్ పాంథర్తో పాటు ప్రముఖ ఎక్స్-మెన్ పాత్రలు కూడా కనిపించడం అభిమానుల్లో భారీ ఆసక్తిని పెంచింది.

మూడు వేర్వేరు విశ్వాలకు చెందిన సూపర్ హీరోలు ఒకే వేదికపై కలుసుకుని మహా ప్రమాదాన్ని ఎదుర్కొనే కథతో ఈ చిత్రం రూపొందింది. క్రిస్ ఎవాన్స్, క్రిస్ హేమ్స్‌వర్త్, పెడ్రో పాస్కల్, ఆంథోనీ మాకీ, పాల్ రడ్, ఫ్లోరెన్స్ ప్యూ, ప్యాట్రిక్ స్టీవర్ట్, ఇయాన్ మెక్‌కెలెన్, జేమ్స్ మార్స్‌డెన్, టామ్ హిడిల్‌స్టన్ తదితర ప్రముఖ నటులు ఇందులో కీలక పాత్రలు పోషించారు. భారతదేశంలో ఈ చిత్రం ఇంగ్లీష్, హిందీ, తమిళం, తెలుగు భాషల్లో ప్రీమియం ఫార్మాట్లలో డిసెంబర్ 18న ప్రత్యేకంగా థియేటర్లలో విడుదల కానుంది.