మండాడి: సెయిల్ బోట్ రేసింగ్‌తో ఆకట్టుకునే 2026 వేసవి బ్లాక్‌బస్టర్ చిత్రం

RS ఇన్ఫోటైన్‌మెంట్ నుండి 16 వ ప్రాజెక్ట్‌గా ‘మండాడి’ చిత్రం రాబోతోంది. మదిమారన్ పుగళేంది దర్శకత్వంలో సూరి, సుహాస్ ప్రధాన పాత్రల్లో నటిస్తున్న ఈ సినిమా, ఇంటెన్స్ స్పోర్ట్స్-యాక్షన్ డ్రామాగా రూపొందుతోంది. రూటెడ్, రా అండ్ రస్టిక్ కథతో, అద్భుతమైన విజువల్స్, నైపుణ్యమయిన నటన, భావోద్వేగాలతో ఈ మూవీ ప్రేక్షకులను ఆకట్టుకోవడానికి సిద్ధంగా ఉంది. ముఖ్యంగా సుహాస్ పూర్తి స్థాయి విలన్‌గా నటిస్తున్న తొలిసారి కావడం, సినిమాను ప్రత్యేకంగా నిలబెట్టబోతుంది. చిత్రయూనిట్ ఇప్పటికే 70% షూటింగ్ పూర్తి చేసిందని సమాచారం.

సూరి, సుహాస్ ప్రధాన యాక్షన్ సీక్వెన్స్‌లు, సముద్రంలో జరిగే హై-ఇంటెన్సిటీ యాక్షన్, సెయిల్ బోట్ రేస్ ఎపిసోడ్ల కోసం కష్టపడి ఆరు నెలల కఠిన శిక్షలు తీసుకున్నారు. ఈ సీక్వెన్స్‌లు సినిమా ప్రధాన ఆకర్షణగా నిలుస్తాయి. తమిళం, తెలుగు, హిందీ భాషలలో పాన్-ఇండియన్ రీచ్‌ను లక్ష్యంగా పెట్టి రూపొందిస్తున్న ఈ సినిమా, భారతీయ సినిమాలో కొత్తగా అడ్రినలిన్ రష్ ఇచ్చే సెయిల్ బోట్ రేసింగ్ సీన్లను చూపనుంది.

విజువల్ క్వాలిటీని అంతర్జాతీయ స్థాయిలో ఉంచేందుకు, ప్రముఖ యాక్షన్ కోరియోగ్రాఫర్ పీటర్ హెయిన్ 60 రోజులు ఈ చిత్రానికి పనిచేశారు. అత్యాధునిక, వాస్తవిక, భావోద్వేగాలతో నడిచే స్టంట్స్ డిజైన్ చేశారు. 75 కోట్ల బడ్జెట్‌లో రూపొందిస్తున్న ‘మండాడి’, మిగిలిన షూటింగ్ పూర్తైన తర్వాత రిలీజ్ తేదీ ప్రకటించనుంది.