కోడిపందాల నేపథ్యంలో కొక్కోరోకో మూవీ. నిర్మాత రమేష్ వర్మ

ప్రముఖ దర్శకుడు రమేష్ వర్మ నిర్మాతగా మారి రూపొందిస్తున్న తొలి చిత్రం  “కొక్కొరోకో”  షూటింగ్ విజయవంతంగా పూర్తయ్యింది. నీలాద్రి ప్రొడక్షన్ సమర్పణలో, RV ఫిల్మ్ హౌస్ బ్యానర్‌పై రూపొందుతున్న ఈ చిత్రానికి శ్రీనివాస్ వసంతాల దర్శకుడిగా తెలుగు చిత్రసీమకు పరిచయం అవుతున్నారు. సంప్రదాయ కోడిపందాల నేపథ్యాన్ని ఆధారంగా తీసుకుని, ఐదు విభిన్న కథలతో అంథాలజీ చిత్రంగా  “కొక్కొరోకో”  ప్రేక్షకుల ముందుకు రానుంది. రమేష్ వర్మ అందించిన కథ–స్క్రీన్ ప్లేతో పాటు బలమైన విజువల్స్, భావోద్వేగాత్మక కథనం ఈ చిత్రానికి ప్రధాన ఆకర్షణగా నిలవనున్నాయి. ఈ సినిమా ఈ ఇయర్ లో విడుదలకు సిద్ధమవుతోంది.

ఈ చిత్రంతో ప్రతిభావంతమైన కళాకారిణి మనస్విని బాలబొమ్మల సినీ అరంగేట్రం చేయడం మరో విశేషం. “కొక్కొరోకో”లో ఆమె గెస్ట్ రోల్‌లో కనిపించనుంది. థియేటర్ బ్యాక్‌గ్రౌండ్ ఉన్న మనస్విని, Little Women నాటకంలో  ‘జో’  పాత్రను, Much Ado About Nothing నాటకంలో  ‘బియాట్రిస్’  పాత్రను ఆమె పోషించింది. అలాగే సంప్రదాయ పేర్ని నాట్యం, కర్ణాటక సంగీతంలోనూ ప్రావీణ్యం కలిగి ఉంది. కొత్త ప్రతిభను ప్రోత్సహిస్తూ, ఫ్రెష్ కథనాలతో ప్రత్యేకమైన సినిమాటిక్ అనుభూతిని అందించడమే ఈ చిత్ర లక్ష్యమని చిత్రబృందం తెలిపింది.