యూఎస్ లో రికార్డ్ ప్రీసేల్స్‌తో దూసుకుపోతున్న ‘మన శంకర వర ప్రసాద్ గారు’ మూవీ

మెగాస్టార్ చిరంజీవి నటిస్తున్న మాస్ ఎంటర్‌టైనర్ ‘మన శంకర వర ప్రసాద్ గారు’ అమెరికాలో రికార్డ్ స్థాయి ఓపెనింగ్‌కు రెడీ అవుతోంది. తాజాగా విడుదలైన ఈ స్టన్నింగ్ పోస్టర్ చూస్తే… సినిమా రేంజ్ ఏ స్థాయిలో ఉందో అర్థమవుతుంది. రెడ్ స్పోర్ట్స్ కార్‌పై గన్‌తో, సిగరెట్ స్టైల్‌లో చిరంజీవి కనిపిస్తున్న లుక్ అభిమానులను పిచ్చెక్కిస్తోంది. ఇది పక్కా మాస్, వింటేజ్ మెగాస్టార్ స్వాగ్ అని ఫ్యాన్స్ సోషల్ మీడియాలో తెగ వైరల్ చేస్తున్నారు.

ఇప్పటికే యూఎస్‌ఏ ప్రీమియర్ ప్రీసేల్స్‌ $275K+ కలెక్షన్‌ను క్రాస్ చేయడం సినిమా మీదున్న హైప్‌ని స్పష్టంగా చూపిస్తోంది. జనవరి 11, 2026 – సంక్రాంతి కానుకగా ప్రపంచవ్యాప్తంగా ప్రీమియర్స్‌కి సిద్ధమవుతున్న ఈ సినిమా బాక్సాఫీస్ వద్ద తుఫాన్ సృష్టించనుందని ట్రేడ్ వర్గాలు అంచనా వేస్తున్నాయి.

అనిల్ రావిపూడి దర్శకత్వంలో రూపొందుతున్న ఈ చిత్రాన్ని సాహు గారపాటి, సుస్మిత కొణిదెల నిర్మిస్తున్నారు. ‘మన శంకర వర ప్రసాద్ గారు’ సంక్రాంతికి థియేటర్లలో మెగాస్టార్ మ్యాజిక్‌ను మరోసారి రుచి చూపించబోతోంది!