‘ఆల్కహాల్’పై ఎందుకింత మౌనం?

అల్లరి నరేష్ హీరోగా తెరకెక్కుతున్న ‘ఆల్కహాల్’ సినిమా మరోసారి టాలీవుడ్‌లో చర్చనీయాంశంగా మారింది. ప్రముఖ నిర్మాణ సంస్థ సితార ఎంటర్‌టైన్‌మెంట్స్ నిర్మిస్తున్న ఈ చిత్రం ప్రకటించినప్పటి నుంచే ప్రేక్షకుల్లో ఆసక్తిని రేకెత్తించింది. కంటెంట్ ఆధారిత కథలతో ఇటీవల కొత్త ఇమేజ్‌ను సొంతం చేసుకున్న అల్లరి నరేష్ ఈ సినిమాలో నటిస్తుండటంతో అంచనాలు కూడా పెరిగాయి. అయితే సినిమాకు సంబంధించిన అధికారిక అప్డేట్లు లేకపోవడం అభిమానుల్లో సందేహాలను పెంచుతోంది.

2026 నూతన సంవత్సర సందర్భంగా సినిమాను విడుదల చేస్తామని మేకర్స్ గతంలో ప్రకటించినప్పటికీ, ఇప్పటివరకు పోస్టర్ లేదా విడుదల తేదీకి సంబంధించిన ఎలాంటి సమాచారం వెలువడలేదు. దర్శకుడు మెహర్ తేజ్ ఈ చిత్రాన్ని వినోదం, భావోద్వేగాల మేళవింపుగా తెరకెక్కిస్తున్నట్లు సమాచారం. రుహాని శర్మ, నిహారిక ఎన్‌ఎమ్, గిరీష్ కుల్కర్ణి కీలక పాత్రలు పోషిస్తున్నారని తెలుస్తోంది. అల్లరి నరేష్ ఈ ప్రాజెక్ట్‌పై నమ్మకంగా ఉన్నప్పటికీ, మేకర్స్ మౌనం కారణంగా సినిమా విడుదలపై అనేక ఊహాగానాలు సోషల్ మీడియాలో చక్కర్లు కొడుతున్నాయి.