పవర్ సోప్స్ కేసులో తమన్నా పిటిషన్‌ను కొట్టివేసిన మద్రాస్ హైకోర్టు!

మద్రాస్ హైకోర్టు నటి తమన్నా భాటియా దాఖలు చేసిన పిటిషన్‌ను కొట్టివేసింది. ఆమె చేసిన ఆరోపణలకు తగిన సాక్ష్యాలు సమర్పించలేకపోవడంతో కోర్టు ఈ నిర్ణయం తీసుకుంది. ఇదే అంశంపై గతంలో వచ్చిన సింగిల్ జడ్జి తీర్పును కూడా కోర్టు సమర్థించింది.

2008లో బ్రాండ్ ప్రమోషన్ కోసం తమన్నా, పవర్ సోప్స్ సంస్థ మధ్య ఒప్పందం కుదిరింది. ఆ ఒప్పందం ప్రకారం 2009 అక్టోబర్ వరకు ఆమె ఫోటోలను వినియోగించుకోవచ్చు. అయితే 2010-2011 మధ్య తన అనుమతి లేకుండా ఫోటోలను ఉపయోగించారని ఆరోపిస్తూ రూ.1 కోటి నష్టపరిహారం కోరుతూ ఆమె కోర్టును ఆశ్రయించారు. సింగిల్ జడ్జి తీర్పును సవాలు చేస్తూ వేసిన పిటిషన్‌ను ద్విసభ్య ధర్మాసనం కూడా కొట్టివేసింది.