సుస్మితా సేన్‌పై ఆరోపణలను ఖండించిన లలిత్ మోదీ

ఐపీఎల్ సృష్టికర్త, మాజీ ఛైర్మన్ లలిత్ మోదీ బాలీవుడ్ నటి, మాజీ విశ్వసుందరి సుస్మితా సేన్పై వచ్చిన ఆరోపణలను ఖండించారు. ఆమె డబ్బు కోసం ఆశపడే వ్యక్తి అన్న వ్యాఖ్యలను ఆయన తప్పుబట్టారు. సుస్మితా సేన్ కష్టపడి ఎదిగిన మహిళ అని, ఆమె వద్ద ఉన్న వజ్రాలు, వ్యాపారాలు అన్నీ స్వయంగా సంపాదించుకున్నవేనని ఆయన తెలిపారు.

తమ ఇద్దరి మధ్య ఉన్న సమయంలో బయటకు వెళ్లినప్పుడు కూడా చాలా సందర్భాల్లో ఖర్చులు ఆమెనే భరించిందని చెప్పారు. ఆమె ఎవరి మీద ఆధారపడే వ్యక్తి కాదని అన్నారు. వారి బంధం చాలా ప్రత్యేకమని, తన జీవితంలో ఎదుగుదలకు సుస్మితా సేన్ ముఖ్య పాత్ర పోషించారని లలిత్ మోదీ పేర్కొన్నారు.