‘లాలో’ తెలుగు రీమేక్? శ్రీకృష్ణుని పాత్రలో రామ్ చరణ్!

గుజరాతీ చిత్రసీమలో ఘన విజయాన్ని అందుకున్న ‘లాలో: కృష్ణ సదా సహాయతే’ తెలుగులో రీమేక్ కానుందంటూ సినీ వర్గాల్లో ప్రచారం జరుగుతోంది. ఈ ప్రతిష్టాత్మక ప్రాజెక్ట్‌లో గ్లోబల్ స్టార్ రామ్ చరణ్ శ్రీకృష్ణుడి పాత్రలో ప్రత్యేకంగా కనిపించే అవకాశం ఉందని టాక్ వినిపిస్తోంది. తక్కువ బడ్జెట్‌తో రూపొందిన ఈ చిత్రం గుజరాతీ చిత్రసీమలో భారీ విజయాన్ని నమోదు చేసిన నేపథ్యంలో, తెలుగు రీమేక్ హక్కులపై చర్చలు జరుగుతున్నట్లు సమాచారం.

ఈ రీమేక్‌కు కోలీవుడ్ దర్శకుడు కార్తీక్ సుబ్బరాజ్ దర్శకత్వం వహించే అవకాశం ఉందని కూడా ప్రచారం జరుగుతోంది. ఆధ్యాత్మికత, ఆధునికత మేళవింపుతో సాగే కథను తెలుగు ప్రేక్షకుల అభిరుచికి అనుగుణంగా భారీ స్థాయిలో తెరకెక్కించే యోచనలో ఉన్నట్లు తెలుస్తోంది. అయితే రామ్ చరణ్ నటన, కార్తీక్ సుబ్బరాజ్ దర్శకత్వం లేదా తెలుగు రీమేక్‌కు సంబంధించి ఇప్పటివరకు మేకర్స్ నుంచి ఎలాంటి అధికారిక ప్రకటన వెలువడలేదు. అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు.