సోషల్ మీడియాలో ట్రెండ్ అవుతున్న ‘నేను రెడీ’ రొమాంటిక్ మెలోడీ ‘కొంచెం కొంచెం’

యువ కథానాయకుడు హవీష్ నటిస్తున్న తాజా చిత్రం ‘నేను రెడీ’ నుంచి విడుదలైన ‘కొంచెం కొంచెం’ రొమాంటిక్ మెలోడీ సోషల్ మీడియాలో సందడి చేస్తోంది. మిక్కీ జే మేయర్ స్వరపరిచిన ఈ పాటకు రామజోగయ్య శాస్త్రి అందించిన ప్రేమభరితమైన సాహిత్యం ప్రత్యేక ఆకర్షణగా నిలిచింది. సమీర భరద్వాజ్ మధురమైన గాత్రం పాటకు మరింత అందాన్ని తీసుకురాగా, మెలోడీతో పాటు సాహిత్యానికి సంగీత ప్రియుల నుంచి మంచి స్పందన లభిస్తోంది.

హవీష్, కావ్య థాపర్, నర్గిస్ ఫక్రీల స్క్రీన్ ప్రజెన్స్‌తో పాటు కలర్‌ఫుల్ విజువల్స్ పాటకు అదనపు ఆకర్షణగా నిలిచాయి. త్రినాథరావు నక్కిన దర్శకత్వంలో, కాంచన కోనేరు నిర్మాణంలో తెరకెక్కుతున్న ‘నేను రెడీ’ సినిమాపై ‘కొంచెం కొంచెం’ పాట విడుదలతో మరింత ఆసక్తి నెలకొంది. సోషల్ మీడియాలో ఈ రొమాంటిక్ నంబర్‌కు వస్తున్న స్పందన సినిమా ప్రమోషన్స్‌కు మరింత ఊపునిస్తోంది.