కిరణ్ అబ్బవరం కొత్త సినిమా ‘హతః’.. ఆసక్తి రేపుతున్న టైటిల్ గ్లింప్స్

హీరోగా మాత్రమే కాకుండా నిర్మాతగానూ విభిన్న కథలను ఎంచుకుంటున్న కిరణ్ అబ్బవరం తన కొత్త సినిమాను ప్రకటించారు. ‘హతః’ అనే టైటిల్‌తో సైకలాజికల్ మిస్టరీ చిత్రాన్ని తెరకెక్కిస్తున్నారు. కిరణ్ అబ్బవరం సమర్పణలో రానున్న ఈ సినిమాకు అనుష్ గోరక్ దర్శకత్వం వహిస్తున్నారు. తాజాగా మూవీ టైటిల్ గ్లింప్స్‌ను విడుదల చేయగా, ఇది ప్రేక్షకుల్లో ఆసక్తిని పెంచుతోంది.

టైటిల్ గ్లింప్స్‌ను విడుదల చేస్తూ మేకర్స్ ‘ఈ పిల్లి బతికి ఉందా.. లేక చనిపోయిందా?’ అంటూ ఆసక్తికరమైన క్యాప్షన్‌ను జోడించారు. ఈ ఒక్క ప్రశ్నతోనే సినిమాలోని మిస్టరీపై ప్రేక్షకుల్లో క్యూరియాసిటీ పెరిగింది. వినూత్నమైన కథాంశంతో సినిమా రూపొందుతున్నట్లు తెలుస్తోంది. ఈ చిత్రానికి సంబంధించిన పూర్తి వివరాలను మేకర్స్ త్వరలోనే అధికారికంగా వెల్లడించనున్నారు.