అనిల్ రావిపూడి చేతుల మీదుగా ‘కిల్లర్’ టీజర్ విడుదల

ట్రెండ్ సెట్టింగ్ సైన్స్ ఫిక్షన్ థ్రిల్లర్‌గా రూపొందుతున్న కిల్లర్ టీజర్‌ను బ్లాక్‌బస్టర్ దర్శకుడు అనిల్ రావిపూడి విడుదల చేశారు. జ్యోతి పూర్వజ్, పూర్వాజ్ ప్రధాన పాత్రల్లో నటించిన ఈ చిత్రాన్ని థింక్ సినిమా, ఏయూ అండ్ ఐ స్టూడియోస్ బ్యానర్లపై పూర్వాజ్, పద్మనాభరెడ్డి నిర్మిస్తున్నారు. పూర్వాజ్ స్వయంగా దర్శకత్వం వహిస్తూ కథ, ఎడిటింగ్ బాధ్యతలు కూడా నిర్వహించారు.

టీజర్‌ చూసిన అనంతరం అనిల్ రావిపూడి మాట్లాడుతూ, “సై-ఫై, థ్రిల్లర్ అంశాలను కలిపి డిఫరెంట్ జానర్‌లో ఈ సినిమాను తెరకెక్కించారు. విజువల్స్‌, కాంబినేషన్స్ వెరైటీగా ఉన్నాయి. గ్రాండ్‌గా నిర్మించారు. టీమ్‌కు నా బెస్ట్ విషెస్” అన్నారు. జ్యోతి పూర్వజ్ నటన, ముఖ్యంగా ఆమె ట్రాన్స్‌ఫర్మేషన్ ప్రేక్షకులను ఆశ్చర్యపరుస్తుందని పేర్కొన్నారు.

హీరోయిన్ జ్యోతి పూర్వజ్ మాట్లాడుతూ చిన్న సినిమాలను ఎంకరేజ్ చేసే అనిల్ రావిపూడికి కృతజ్ఞతలు తెలిపారు. దర్శకుడు పూర్వాజ్ మాట్లాడుతూ, కొత్తవారికి ప్రోత్సాహం ఇవ్వాలనే ఉద్దేశంతో అనిల్ గారు వెంటనే టీజర్ రిలీజ్ చేయడం తమ టీమ్‌కు పెద్ద మోటివేషన్‌గా మారిందన్నారు. త్వరలో ఈ చిత్రం గ్రాండ్ థియేట్రికల్ రిలీజ్‌కు సిద్ధమవుతోంది.