‘స్పిరిట్’లో ఖాకీ హవా.. ప్రభాస్ కెరీర్‌లోనే అత్యంత పవర్‌ఫుల్ పాత్ర?

పాన్ ఇండియా స్టార్ ప్రభాస్ నటిస్తున్న స్పిరిట్ చిత్రం ప్రస్తుతం సినీ వర్గాల్లో భారీ చర్చనీయాంశంగా మారింది. దర్శకుడు సందీప్ రెడ్డి వంగా రూపొందిస్తున్న ఈ ప్రాజెక్ట్‌పై ఇప్పటికే భారీ అంచనాలు నెలకొన్నాయి. తాజా సమాచారం ప్రకారం ప్రభాస్ ఈ చిత్రంలో పూర్తి స్థాయి పోలీస్ అధికారిగా కనిపించనున్నారని తెలుస్తోంది.

ఈ సినిమాలో ప్రభాస్ ఐపీఎస్ అధికారిగా క్రమశిక్షణ, ధైర్యం, బాధ్యతలతో కూడిన శక్తివంతమైన పాత్రలో నటించనున్నారని ప్రచారం జరుగుతోంది. యాక్షన్ సన్నివేశాలతో పాటు భావోద్వేగాలకు కూడా పెద్దపీట వేస్తూ కథను రూపొందిస్తున్నట్లు సమాచారం. పోలీస్ పాత్రలో ప్రభాస్‌ను కొత్త కోణంలో చూపించనున్న ఈ చిత్రం ప్రస్తుతం అత్యంత ఆసక్తిగా ఎదురుచూస్తున్న ప్రాజెక్టులలో ఒకటిగా నిలిచింది.