‘పెద్ది’ డైరెక్టర్ బుచ్చిబాబుకు ఖరీదైన గిఫ్ట్ ఇచ్చిన కన్నడ స్టార్ శివ రాజ్‌కుమార్!

కన్నడ స్టార్ శివ రాజ్‌కుమార్ తాజాగా పెద్ది సినిమా దర్శకుడు బుచ్చిబాబుకు ఖరీదైన గిఫ్ట్ అందించి వార్తల్లో నిలిచారు. ఆయన బుచ్చిబాబుకు ప్రీమియం జీసీ వాచ్‌ను బహుకరించగా, దీనికి సంబంధించిన ఫోటోను బుచ్చిబాబు తన సోషల్ మీడియా ఖాతాలో షేర్ చేస్తూ “లవ్లీ గిఫ్ట్‌కు థ్యాంక్యూ సో మచ్” అంటూ శివ రాజ్‌కుమార్‌కు కృతజ్ఞతలు తెలిపారు.

ఆన్‌లైన్ సమాచారం ప్రకారం ఈ గడియారం ధర సుమారు లక్ష రూపాయల వరకు ఉండొచ్చని తెలుస్తోంది. ప్రస్తుతం ఈ పోస్ట్ సోషల్ మీడియాలో వైరల్‌గా మారింది. అభిమానులు సరదాగా కామెంట్లు చేస్తూ, సినిమా విడుదలకు ముందే ఇలాంటి గిఫ్ట్ వచ్చిందంటే, సినిమా హిట్ అయిన తర్వాత లగ్జరీ కారు గిఫ్ట్ కూడా ఖాయం అంటూ చమత్కరిస్తున్నారు.