పెద్దిలో ‘అప్పలసూరి’గా జగపతి బాబు.. క్యారెక్టర్ పోస్టర్ విడుదల!

మెగా పవర్ స్టార్ రామ్ చరణ్ హీరోగా నటిస్తున్న పెద్ది సినిమాలో సీనియర్ నటుడు జగపతి బాబు ‘అప్పలసూరి’ పాత్రలో కనిపించనున్నారు. తాజాగా విడుదలైన క్యారెక్టర్ పోస్టర్‌లో ఆయన గంభీరమైన, రఫ్ లుక్‌తో దర్శనమిస్తూ ప్రేక్షకుల దృష్టిని ఆకర్షించారు. ఈ పాత్ర కథలో కీలకమైన మలుపులు తీసుకువస్తుందని చిత్రబృందం వెల్లడించింది.

బుచ్చి బాబు సనా దర్శకత్వంలో రూపొందుతున్న ఈ చిత్రానికి సంగీతం ఏఆర్ రెహమాన్ అందిస్తున్నారు. వెంకట సతీష్ కిలారు నిర్మిస్తున్న పెద్దిలో ప్రతి పాత్రకు ప్రత్యేక ప్రాధాన్యం ఉన్నట్లు పోస్టర్‌లే చెబుతున్నాయి. భారీ అంచనాల మధ్య ఈ చిత్రం మార్చి 27, 2026న ప్రపంచవ్యాప్తంగా థియేటర్లలో విడుదలకు సిద్ధమవుతోంది.