ఈనెల 31 న మురారి 4K లో రీ-రిలీజ్

సూపర్‌స్టార్ మహేష్ బాబు కెరీర్‌లో అత్యంత గుర్తుండిపోయే చిత్రాల్లో ఒకటైన ‘మురారి’ మరోసారి థియేటర్లలోకి రాబోతోంది. డిసెంబర్ 31 న 4K రీ-రిలీజ్‌కు సిద్ధమవుతున్న ఈ చిత్రానికి ముందుగా మేకర్స్ ‘మురారి 4K ప్రిల్యూడ్’ను విడుదల చేశారు. చిన్న టీజ్‌తోనే ఈ ప్రిల్యూడ్ ప్రేక్షకులను నాస్టాల్జియాలోకి తీసుకెళ్లుతూ సినిమాపై ఆసక్తిని మరింత పెంచుతోంది.

కృష్ణ వంశీ దర్శకత్వంలో తెరకెక్కిన ‘మురారి’లో సోనాలి బింద్రే హీరోయిన్‌గా నటించగా, మణిశర్మ సంగీతం, రామ్ ప్రసాద్ సినిమాటోగ్రఫీ ఈ చిత్రానికి ప్రధాన ఆకర్షణలుగా నిలిచాయి. రామ్ ప్రసాద్ ఆర్ట్స్, మ్యాంగో మాస్ మీడియా సమర్పణలో 4K ఫార్మాట్‌లో పునరుద్ధరించబడిన ఈ చిత్రం, కొత్త తరం ప్రేక్షకులతో పాటు పాత అభిమానులకు కూడా అద్భుతమైన థియేట్రికల్ అనుభూతిని అందించనుంది.