విజయ్ దేవరకొండ పాన్ వరల్డ్ సినిమాపై భారీ అంచనాలు?

నటుడు విజయ్ దేవరకొండ ఇప్పుడు ఒక పెద్ద ప్రాజెక్ట్‌తో ముందుకు వస్తున్నారు. మైథలాజికల్ యూనివర్స్ ఆధారంగా రూపొందుతున్న ఈ సినిమాను ‘హాయ్ నాన్న’ ఫేమ్ దర్శకుడు శౌర్యువ్ తెరకెక్కిస్తున్నారు. ఈ చిత్రం అంతర్జాతీయ స్థాయిలో రూపొందుతూ, హాలీవుడ్ సాంకేతిక నిపుణులతో కలిసి నిర్మిస్తున్నారు.

ఈ సినిమాకు సినిమాటోగ్రాఫర్‌గా ‘హౌస్ ఆఫ్ ది డ్రాగన్’, ‘ఫాల్‌ఔట్’ వంటి ప్రాజెక్ట్‌లపై పనిచేసిన అలెజాండ్రో మార్టినెజ్ పనిచేస్తున్నారు. అలాగే ‘బ్యాట్‌మ్యాన్ ఫరెవర్’ చిత్రానికి వీఎఫ్‌ఎక్స్ సూపర్‌వైజర్‌గా పనిచేసిన ఎరిక్ డర్స్ కూడా ఈ ప్రాజెక్ట్‌లో భాగమయ్యారు. వైరా ఎంటర్‌టైన్‌మెంట్స్ నిర్మిస్తున్న ఈ సినిమాకు హేషమ్ అబ్దుల్ వాహాబ్ సంగీతం అందిస్తుండగా, సురేష్ సెల్వరాజన్ ప్రొడక్షన్ డిజైనర్‌గా పనిచేస్తున్నారు. ఫస్ట్ లుక్ విడుదలతోనే ఈ సినిమాపై భారీ అంచనాలు ఏర్పడ్డాయి.