జాకీ చాన్‌ని కలిసిన హృతిక్ రోషన్: “నా విరిగిన ఎముకలు నీ ఎముకలకే నమస్కరిస్తాయి”

బాలీవుడ్ సూపర్ స్టార్ హృతిక్ రోషన్ తాజాగా హాలీవుడ్ యాక్షన్ లెజెండ్ జాకీ చాన్‌ను బేవర్లీ హిల్స్‌లో కలిశాడు. ఈ సందర్భంగా ఇన్‌స్టాగ్రామ్‌లో ఫొటోలు షేర్ చేస్తూ, “నా విరిగిన ఎముకలు నీ విరిగిన ఎముకలకు నమస్కరిస్తాయి. ఎప్పటికీ అలాగే ఉంటుంది” అంటూ అభిమానంగా రాశాడు.ఈ ఫోటోల్లో ఇద్దరూ సాధారణ డ్రెస్‌లో హోటల్ బయట స్మైల్ చేస్తూ కనిపించారు. “Kung Fu Fighting” పాటను బ్యాక్‌గ్రౌండ్‌లో జోడించి హృతిక్ తన అభిమానాన్ని వ్యక్తం చేశాడు.ప్రస్తుతం హృతిక్ తన లవర్ సబా ఆజాద్‌తో కలిసి అమెరికాలో సెలవులు ఎంజాయ్ చేస్తున్నాడు. ఇటీవల ఈ జంట వింటర్ వాకింగ్ ఫొటోలను షేర్ చేస్తూ, “Nothing better than winter walking” అని పోస్ట్ చేసింది.

హృతిక్ త్వరలో “Storm” అనే థ్రిల్లర్ వెబ్ సిరీస్‌తో ఓటీటీలో నిర్మాతగా అరంగేట్రం చేయబోతున్నాడు. ఈ సిరీస్‌ను టబ్బర్ దర్శకుడు అజిత్‌పాల్ సింగ్ రూపొందిస్తున్నారు.అదేవిధంగా, హృతిక్ “క్రిష్ 4” సినిమాతో దర్శకుడిగా, హీరోగా రెండింటిలోనూ కనిపించనున్నాడు. ఈ ప్రాజెక్ట్‌ను యష్ రాజ్ ఫిలింస్ మరియు రాకేష్ రోషన్ సంయుక్తంగా నిర్మిస్తున్నారు. షూటింగ్ వచ్చే ఏడాది ప్రారంభమవుతుంది.