అల్లు శిరీష్ పెళ్లి కి అటెండ్ అయిన సీఎం రేవంత్

కొల్లూరులోని ఐనా ఈవెంట్ స్పేస్‌లో నిర్వహించిన ప్రముఖ నిర్మాత అల్లు అరవింద్ కుమారుడు అల్లు శిరీష్ వివాహ వేడుక ఘనంగా జరిగింది. ఈ కార్యక్రమానికి తెలంగాణ ముఖ్యమంత్రి రేవంత్ రెడ్డి హాజరై నూతన వధూవరులను ఆశీర్వదించారు.

వివాహ వేడుకలో ముఖ్యమంత్రి రేవంత్ రెడ్డి దంపతులతో పాటు సినీ, రాజకీయ రంగాలకు చెందిన పలువురు ప్రముఖులు కూడా పాల్గొన్నారు. వధూవరులకు శుభాకాంక్షలు తెలియజేసిన ముఖ్యమంత్రి, వారి దాంపత్య జీవితం సుఖసంతోషాలతో నిండాలని ఆకాంక్షించారు.

ఈ సందర్భంగా కుటుంబ సభ్యులు ముఖ్యమంత్రిని సాదరంగా ఆహ్వానించగా, ఆయన వధూవరులను ఆశీర్వదించి కొంతసేపు కార్యక్రమంలో పాల్గొన్నారు. వివాహ వేడుక సాంప్రదాయబద్ధంగా, ఉత్సాహభరిత వాతావరణంలో జరిగింది.