స్టార్ హీరో నుంచి బైక్ మెకానిక్‌గా.. అబ్బాస్ జీవితంలో ఊహించని మలుపు

అబ్బాస్ ఒకప్పుడు దక్షిణాది సినీ పరిశ్రమలో లవర్‌బాయ్ ఇమేజ్‌తో యువతను ఆకట్టుకున్న స్టార్ హీరో. ముఖ్యంగా అమ్మాయిల్లో ఆయనకు విపరీతమైన ఫాలోయింగ్ ఉండేది. ఐశ్వర్య రాయ్ తో కలిసి నటించిన సినిమాలు సహా అనేక హిట్ చిత్రాలతో అబ్బాస్ మంచి గుర్తింపు తెచ్చుకున్నారు. ప్రేమ దేశం వంటి సినిమాతో భారీ క్రేజ్ సంపాదించిన ఆయన.. ‘ప్రియురాలు పిలిచింది’, ‘రాజా’, ‘కృష్ణ బాబు’, ‘ప్రియా ఓ ప్రియా’ వంటి చిత్రాలతో ప్రేక్షకులను మెప్పించారు.

అయితే కొంతకాలానికే అబ్బాస్ సినీ పరిశ్రమకు దూరమై న్యూజిలాండ్‌కు వెళ్లిపోయారు. కుటుంబాన్ని పోషించేందుకు అక్కడ బైక్ మెకానిక్‌గా, ట్యాక్సీ డ్రైవర్‌గా, తర్వాత సాఫ్ట్‌వేర్ ఉద్యోగిగా కూడా పనిచేసినట్లు గతంలో ఓ ఇంటర్వ్యూలో వెల్లడించారు. స్టార్ హీరోగా వెలుగొందిన వ్యక్తి సాధారణ ఉద్యోగాలు చేయాల్సి రావడం అభిమానులను ఆశ్చర్యానికి గురిచేసింది. ప్రస్తుతం మళ్లీ సినిమాల్లోకి రీఎంట్రీ ఇచ్చిన అబ్బాస్.. ఇటీవల జి.వి. ప్రకాశ్ కుమార్ నటించిన తమిళ చిత్రం ‘హ్యాపీ రాజా’లో కనిపించి ప్రేక్షకులను ఆకట్టుకున్నారు.