పురుష: మూవీ హీరోయిన్ ఫస్ట్ లుక్ రిలీజ్

తాజాగా రిలీజ్ అయిన ఫస్ట్ లుక్ పోస్టర్ ద్వారా ‘పురుష:’ సినిమాలోని విషిక పాత్రను పరిచయం చేశారు. ఈ చిత్రాన్ని బత్తుల కోటేశ్వరరావు కళ్యాణ్ ప్రొడక్షన్స్ బ్యానర్‌లో నిర్మిస్తున్నారు, దర్శకుడిగా వీరు వులవల వ్యవహరిస్తున్నారు. పవన్ కళ్యాణ్‌ బత్తుల హీరోగా పరిచయం అవుతున్నారు. ఇప్పటికే విడుదలైన పోస్టర్లు, ఫస్ట్ లుక్స్ అన్ని ప్రేక్షకులను ఆకట్టుకున్నాయి. ఇప్పుడు హీరోయిన్ల పాత్రల స్వభావం, భిన్నమైన వ్యక్తిత్వాన్ని చూపిస్తూ  వైష్ణవి, హాసిని, విషిక వంటి పాత్రలకు సంబంధించిన పోస్టర్లు ఆసక్తిని పెంచుతున్నాయి. విషిక పాత్ర ఫుల్ ఎమోషనల్, రఫ్ఫాడించే లుక్‌లో, క్యాప్షన్ “దమ్ముంటే టచ్ చేసి చూడు”తో విభిన్నంగా చూపించబడింది.

సాంకేతిక బృందంలో సతీష్ ముత్యాల కెమెరామెన్‌గా, శ్రవణ్ భరద్వాజ్ సంగీత దర్శకుడిగా, కోటి ఎడిటర్‌గా, రవిబాబు దొండపాటి ఆర్ట్ డైరెక్టర్‌గా ఉన్నారు. సినిమా హాస్యభరితంగా ఉండేలా వెన్నెల కిషోర్, వి.టి.వి. గణేష్, పమ్మి సాయి, మిర్చి కిరణ్ వంటి కమెడియన్లు పాల్గొన్నారు. ప్రస్తుతం పోస్టు ప్రొడక్షన్ పనులు శరవేగంగా జరుగుతున్నాయి. త్వరలోనే సినిమా రిలీజ్ డేట్ ప్రకటించనున్నారు.