రాకా విడుదల తేదీపై ఫేక్ ప్రచారం?

అల్లు అర్జున్ హీరోగా అట్లీ దర్శకత్వంలో తెరకెక్కుతున్న భారీ చిత్రం ‘రాకా’ కోసం అభిమానులు ఆసక్తిగా ఎదురుచూస్తున్నారు. రెండు భాగాలుగా రూపొందుతున్న ఈ సినిమా ప్రస్తుతం శరవేగంగా చిత్రీకరణ జరుపుకుంటోంది. షూటింగ్ చాలాకాలంగా కొనసాగుతున్నప్పటికీ, సినిమా విడుదలకు ఇంకా సమయం పట్టే అవకాశం ఉందనే అభిప్రాయం ఉంది. ఈ క్రమంలో ‘రాకా’ అధికారిక ఖాతా పేరుతో డిసెంబర్ 31న సినిమా విడుదల కానుందంటూ ఓ తేదీ సోషల్ మీడియాలో వైరల్ కావడంతో అభిమానుల్లో ఒక్కసారిగా ఉత్కంఠ నెలకొంది.

అయితే వైరల్ అవుతున్న విడుదల తేదీతో పాటు ఆ సోషల్ మీడియా ఖాతా కూడా నకిలీదేనని తెలుస్తోంది. దీంతో ‘రాకా’ విడుదల తేదీపై ఇప్పటివరకు ఎలాంటి అధికారిక ప్రకటన వెలువడలేదని స్పష్టమైంది. అభిమానులు సోషల్ మీడియాలో వస్తున్న ఇలాంటి ప్రచారాలను నమ్మవద్దని తెలుస్తోంది. ఈ చిత్రానికి సాయి అభ్యంకర్ సంగీతం అందిస్తుండగా, సన్ పిక్చర్స్ నిర్మిస్తోంది.