హీరోలకో న్యాయం హీరోయిన్లకో న్యాయమా? - తాప్సీ పన్ను

బాలీవుడ్ నటి తాప్సీ పన్ను వరుస సినిమాలతో బిజీగా ఉంటూనే ఇంటర్వ్యూల్లో తన అభిప్రాయాలను వెల్లడిస్తున్నారు. తాజాగా ఆలియా భట్ ప్రధాన పాత్రలో నటించిన యాక్షన్ చిత్రం ‘ఆల్ఫా’ బాక్సాఫీస్ వద్ద ఆశించిన స్థాయిలో విజయం సాధించకపోవడంతో, తాను చేయాల్సిన కొన్ని లేడీ ఓరియెంటెడ్ ప్రాజెక్టులు రద్దయ్యాయని తాప్సీ ఆవేదన వ్యక్తం చేసినట్లు తెలుస్తోంది. మహిళా ప్రధాన చిత్రాల్లో ఒక్కటి విఫలమైనా పెట్టుబడిదారులు ఇతర ప్రాజెక్టుల విషయంలో వెనుకడుగు వేస్తున్నారని ఆమె అసహనం వ్యక్తం చేశారు.

పెద్ద స్టార్ హీరో నటించిన యాక్షన్ సినిమా విఫలమైతే కథ లేదా స్క్రిప్ట్ సరిగా లేదని చెబుతారని, అదే హీరోయిన్ నటించిన యాక్షన్ సినిమా ప్లాప్ అయితే మహిళా ప్రధాన చిత్రాలపై పెట్టుబడులు పెట్టేందుకు ఎందుకు ముందుకు రావాలని ప్రశ్నిస్తారని తాప్సీ అన్నారు. పెద్ద హీరోల సినిమాల్లో కథ బలహీనంగా ఉన్నా యాక్షన్, గ్లామర్ ఉంటే ప్రేక్షకులు ఆదరిస్తారని, కానీ హీరోయిన్లు కొత్త తరహా చిత్రాలు చేస్తే ప్రతి అంశాన్ని నిశితంగా పరిశీలిస్తారని పేర్కొన్నారు. హీరోల ప్లాప్‌లను కథకు, హీరోయిన్ల ప్లాప్‌లను వారి సామర్థ్యానికి ముడిపెట్టడం ఎంతవరకు న్యాయమని ఆమె ప్రశ్నించారు.