ఆంధ్ర కింగ్ తాలూకా మూవీ చూసిన వారందరికీ నచ్చింది - హీరో రామ్ పోతినేని!

ఆంధ్ర కింగ్ తాలూకా థాంక్ యూ మీట్‌లో రామ్ పోతినేని మాట్లాడుతూ సినిమా పట్ల వచ్చిన అద్భుతమైన రివ్యూలు, పాజిటివ్ రెస్పాన్స్ చూసి ఎంతో సంతోషంగా ఉందన్నారు. నవంబర్ ఎండ్ అన్‌సీజన్‌లో రిలీజ్ చేసినా, ఎక్కువ మందికి చేరాలన్న భావంతో ఈ సినిమాను ఎంతో మనసుపెట్టి తీశామని చెప్పారు. స్టార్-ఫ్యాన్ ఎమోషన్, హ్యూమన్ ఎమోషన్‌లను కలిపిన ఈ కథ తెలుగు సినిమాకే ప్రత్యేకమని, చూసిన వారిలో చాలా మందికి సినిమా నచ్చిందని, అన్‌సీజన్ వల్ల తక్కువ మంది చూసారని, లాంగ్ రన్ పక్కా అని విశ్వాసం వ్యక్తం చేశారు.

హీరోయిన్ భాగ్యశ్రీ మాట్లాడుతూ అద్భుతమైన రివ్యూలు, ప్రేక్షకుల ప్రేమకు ధన్యవాదాలు తెలిపారు. ఆమె చేసిన మహాలక్ష్మి పాత్రపై గర్వంగా ఉందని, అమెరికా థియేటర్స్‌ను సందర్శించినప్పుడు కూడా ప్రేక్షకుల నుంచి అద్భుతమైన స్పందన వచ్చిందని ఆమె తెలిపారు. నిర్మాత రవి మాట్లాడుతూ సినిమా గురించి మీడియా ఇచ్చిన ప్రశంసలు అద్భుతంగా ఉన్నప్పటికీ, అన్‌సీజన్ కారణంగా కలెక్షన్స్ కొంత తగ్గాయన్నారు. అయినా, ఇది ముందే ఊహించిన విషయమేనని, సెకండ్ వీక్ సూపర్ గా ఉండబోతుందనే నమ్మకం వ్యక్తం చేశారు. ఇకపై సెకండ్ ఫేజ్ ప్రమోషన్స్ ప్రారంభమవుతాయని తెలిపారు.

డైరెక్టర్ మహేష్ బాబు, సంగీత దర్శకులు వివేక్–మర్విన్ కూడా ప్రేక్షకుల నుంచి వస్తోన్న ప్రేమకు కృతజ్ఞతలు తెలిపారు. సినిమా తమ హృదయానికి చాలా దగ్గరైనదని, రామ్ గారి ఇన్వాల్వ్‌మెంట్ వల్లే ఇది ఇంత బాగా వచ్చిందని అన్నారు. ఈ సినిమాకు లాంగ్ రన్ ఖాయం అని, ఇంకా ఎక్కువ మంది థియేటర్లకు వచ్చి ఈ భావోద్వేగాన్ని అనుభవించాలని కోరారు.