దుల్కర్ సల్మాన్: స్టార్‌డమ్ కాకుండా స్క్రిప్ట్‌కి ప్రాధాన్యం

నటులకు స్టార్‌డమ్ సాధించడం గొప్ప విజయమే అయినా, సరైన స్క్రిప్ట్‌ల ఎంపికే ఆ విజయాన్ని నిలబెడుతుంది. చాలామంది నటులు కథలోని బలాన్ని తొలిదశలో అంచనా వేయడంలో విఫలమవుతుంటే, దక్షిణాది హార్ట్‌త్రోబ్ దుల్కర్ సల్మాన్ మాత్రం ఈ విషయంలో భిన్నంగా నిలుస్తున్నాడు. ఇటీవల ఆయన చేసిన సినిమా ఎంపికలు, తిరస్కరించిన భారీ ఆఫర్లు ఆయన స్క్రిప్ట్ అంచనా సామర్థ్యానికి నిదర్శనంగా నిలుస్తున్నాయి.

ఇండియన్ 2, థగ్ లైఫ్, పరాశక్తి వంటి భారీ ప్రాజెక్టుల నుంచి దుల్కర్ తప్పుకోవడం అప్పట్లో విమర్శలకు దారితీసింది. అయితే, ఈ సినిమాలు బాక్సాఫీస్ వద్ద విఫలమవడంతో దుల్కర్ నిర్ణయాలు సరైనవేనని నిరూపితమయ్యాయి. శంకర్, మణిరత్నం వంటి లెజెండరీ దర్శకుల సినిమాలైనా కథ బలంగా లేకపోతే ఆయన వెనక్కి తగ్గాడు. ఇప్పుడు ఈ ఉదాహరణ పరిశ్రమలోని ఇతర నటులకు పాఠంగా మారింది. దుల్కర్ తదుపరి చిత్రం పవన్ సాదినేని దర్శకత్వంలో తెరకెక్కుతున్న తెలుగు రొమాంటిక్ డ్రామా ఆకాశంలో ఒక తార.