రణ్‌వీర్ సింగ్‌కు ఊరట..డాన్ 3 వివాదంలో కీలక మలుపు

బాలీవుడ్ నటుడు రణ్‌వీర్ సింగ్‌కు సంబంధించిన ‘డాన్ 3’ వివాదం ముగింపు దశకు చేరుకుంది. ఫెడరేషన్ ఆఫ్ వెస్ట్రన్ ఇండియా సినీ ఎంప్లాయీస్ (FWICE) బుధవారం ఆయనపై విధించిన నాన్-కోఆపరేషన్ ఆదేశాలను ఉపసంహరించుకుంటున్నట్లు ప్రకటించింది. ఈ మేరకు సంస్థ అధ్యక్షుడు బీఎన్ తివారీ అధికారిక ప్రకటన విడుదల చేస్తూ, సమస్యను పరస్పర చర్చల ద్వారా సామరస్యపూర్వకంగా పరిష్కరించుకోవాలని సూచించారు.

ఈ వ్యవహారంపై రణ్‌వీర్ సింగ్ ఫెడరేషన్‌కు లీగల్ నోటీసులు పంపిన నేపథ్యంలో ఈ నిర్ణయం వెలువడింది. ఎఫ్‌డబ్ల్యూఐసీఈ చీఫ్ అడ్వైజర్, సినీ దర్శకుడు అశోక్ పండిట్ మాట్లాడుతూ, నిషేధాన్ని ఉపసంహరించుకోవాలని రణ్‌వీర్ కోరినట్లు తెలిపారు. చిత్రబృందంతో చర్చలు జరిపి సమస్యను పరిష్కరించుకోవాలని సూచించినట్లు చెప్పారు. పరిశ్రమలో ఎవరిపైనా నిషేధం విధించే అధికారం తమకు లేదని స్పష్టం చేస్తూ, ఈ అంశం సానుకూలంగా ముగుస్తుందని ఆశాభావం వ్యక్తం చేశారు.