ముమైత్ ఖాన్ జీవితంలో అంతటి కష్టమా..? షాకింగ్ విషయాలు వెల్లడి!

ఒకప్పుడు ఐటెమ్ సాంగ్స్‌తో యూత్‌ను ఎంతగానో ఆకట్టుకున్న నటి ముమైత్ ఖాన్ తాజాగా తన జీవితంలో ఎదుర్కొన్న కఠిన పరిస్థితుల గురించి వెల్లడించింది. ఓ ఇంటర్వ్యూలో మాట్లాడుతూ, గతంలో తనకు బ్రెయిన్ నర్వ్ బరస్ట్ కావడంతో తలకు శస్త్రచికిత్స చేయాల్సి వచ్చిందని తెలిపింది. ఆ సమయంలో వైద్యులు తన తలలో తొమ్మిది టైటానియం వైర్లను అమర్చారని, ఆపరేషన్ అనంతరం తీవ్రమైన ఆరోగ్య సమస్యలను ఎదుర్కొన్నట్లు చెప్పింది. తరచూ ఫిట్స్ రావడం, మైగ్రేన్ తలనొప్పులు వేధించడం వల్ల సాధారణ జీవితం కూడా కష్టంగా మారిందని వెల్లడించింది.

అలాగే సర్జరీ తర్వాత వాడిన హెవీ మెడికేషన్ కారణంగా తీవ్ర డిప్రెషన్‌కు గురయ్యానని ముమైత్ పేర్కొంది. అయితే ఆ పరిస్థితిని ధైర్యంగా ఎదుర్కొన్నానని, జీవితంలో సాధించిన విజయాలు, గుర్తింపులను గుర్తు చేసుకుంటూ తనను తాను ప్రోత్సహించుకున్నానని చెప్పింది. డిప్రెషన్ అనేది తాత్కాలికమని భావించి ముందుకు సాగానని, తన జీవిత ప్రయాణం ద్వారా మానసిక బలమే ముఖ్యమని నేర్చుకున్నానని ఆమె వెల్లడించింది.