ఒక సంవత్సరం పూర్తి చేసుకున్న ‘దేవర’ – సీక్వెల్‌పై అధికారిక ప్రకటనతో అభిమానుల్లో సంబరాలు

ఇవాళ్టితో జూనియర్ ఎన్టీఆర్ నటించిన దేవర సినిమా విడుదలై సంవత్సరం పూర్తయింది. ప్రపంచవ్యాప్తంగా సంబరాలు జరిగిన ఈ చిత్రం, దర్శకుడు కొరటాల శివకి కూడా మంచి విజయాన్ని అందించింది.మొదటి భాగాన్ని క్లైమాక్స్‌లో సస్పెన్స్‌తో ముగించిన టీమ్, సీక్వెల్‌పై అప్పటినుంచే ఆసక్తి రేపింది. కానీ రెండో భాగం నిజంగా వస్తుందా అనే సందేహాలు కొనసాగుతూనే ఉన్నాయి. ఆ అనుమానాలన్నిటికీ ముగింపు పలుకుతూ, ఈ ప్రత్యేక రోజున దేవర 2 అధికారికంగా ధృవీకరించబడింది.సోషియల్ మీడియాలో టీమ్ ఇలా పేర్కొంది:
“ఒక సంవత్సరం క్రితం తీరాలను కదిలించిన తుఫాను… ప్రపంచం గుర్తుపెట్టుకున్న పేరు #DEVARA. భయం కావొచ్చు, ప్రేమ కావొచ్చు – వీధులు ఎప్పటికీ మరవవు. సిద్ధంగా ఉండండి… #Devara2 వస్తోంది.”

ప్రస్తుతం కొరటాల శివ ప్రీ-ప్రొడక్షన్ పనుల్లో బిజీగా ఉన్నారని సమాచారం. రేపు కాంతారా: చాప్టర్ 1 ప్రీ-రిలీజ్ ఈవెంట్‌కి ఎన్టీఆర్ హాజరుకాబోతుండటంతో, ఆయనే స్వయంగా సీక్వెల్‌పై ప్రకటన చేసే అవకాశం ఉందని అభిమానులు ఆశిస్తున్నారు.

ఈ సినిమాలో జాన్వీ కపూర్, సైఫ్ అలీ ఖాన్ నటిస్తుండగా, సంగీతం అనిరుద్ రవిచందర్ అందిస్తున్నారు.