కంప్లీట్ ఎంటర్‌టైనర్ ‘క్రేజీ కళ్యాణం’ మూవీ టైటిల్ లుక్ పోస్టర్ విడుదల

నరేష్ వీకే, అనుపమ పరమేశ్వరన్, తరుణ్ భాస్కర్, అఖిల్ ఉడ్డెమారి ప్రధాన పాత్రల్లో నటిస్తున్న తాజా చిత్రం ‘క్రేజీ కళ్యాణం’. యారో సినిమాస్ బ్యానర్‌పై ప్రొడక్షన్ నెం.2 గా ప్యాషనేట్ ప్రొడ్యూసర్ బూసం జగన్ మోహన్ రెడ్డి ఈ చిత్రాన్ని నిర్మిస్తున్నారు. బద్రప్ప గాజుల దర్శకత్వం వహిస్తున్న ఈ సినిమా టైటిల్ లుక్ పోస్టర్ తాజాగా విడుదలై ఆసక్తిని రేకెత్తిస్తోంది.

పెళ్లి నేపథ్యంలో సాగిన ఆసక్తికర కథతో, హాస్యం, భావోద్వేగాలు కలబోసిన కంప్లీట్ ఎంటర్‌టైనర్‌గా ‘ క్రేజీ కళ్యాణం’ రూపొందుతోంది. తెలంగాణలోని పలు గ్రామీణ ప్రాంతాల్లో చిత్రీకరణ పూర్తయింది. ‘ది గ్రేట్ ప్రీ వెడ్డింగ్ షో’, ‘రాజు వెడ్స్ రాంబాయి’ చిత్రాలకు సంగీతం అందించిన సురేష్ బొబ్బిలి ఈ సినిమాకు సంగీతాన్ని అందిస్తున్నారు. త్వరలో సినిమా సంబంధిత మరిన్ని విశేషాలను మేకర్స్ ప్రకటించనున్నారు.