రామ్ చరణ్ vs నాని.. వేసవిలో రిలీజ్ అవుతున్న రెండు మూవీలు

సంక్రాంతి తర్వాత టాలీవుడ్‌లో సినిమాల హడావిడి వేసవికే షిఫ్ట్ అవుతుంది. ఈసారి వేసవి సీజన్‌ను హాట్‌గా మార్చేందుకు రామ్ చరణ్ మరియు నాని సిద్ధమవుతున్నారు. చరణ్ నటించిన ‘పెద్ది’, నాని హీరోగా తెరకెక్కుతున్న ‘ది ప్యారడైజ్’ సినిమాలు రెండూ మార్చి 26, 27 తేదీల్లో విడుదల కానున్నాయి. ఈ రెండు సినిమాల రిలీజ్ డేట్స్ సెట్స్ మీదికి వెళ్లకముందే ప్రకటించారు.

మొదట ఈ సినిమాలు నిజంగానే ఒకే సమయంలో రిలీజ్ అవుతాయా అనే సందేహాలు వచ్చాయి. కానీ ఇప్పుడు మేకర్స్ క్లారిటీ ఇచ్చేశారు. 'పెద్ది' నిర్మాత సతీష్ కిలారు అధికారికంగా ఈ సినిమా మార్చి 27 న ప్రణాళిక ప్రకారం విడుదల అవుతుందని ధృవీకరించారు. ఇక ‘ది ప్యారడైజ్’ టీమ్ కూడా దర్శకుడు శ్రీకాంత్ ఓదెల పుట్టినరోజు సందర్భంగా ఒక స్పెషల్ వీడియో రిలీజ్ చేస్తూ, మార్చి 26 ననే విడుదల అని ధృవీకరించింది.

రెండు సినిమాలూ ప్రస్తుతం షూటింగ్ చివరి దశలో ఉన్నాయి. జనవరి చివరి నాటికి షూట్ పూర్తయితే రిలీజ్ డేట్ మార్చాల్సిన అవసరం లేదు. రెండూ పాన్ ఇండియా స్థాయిలో రిలీజ్ అవుతున్నందున, ప్రొమోషన్లు కూడా భారీ స్థాయిలో ఉండనున్నాయి. ఇక మార్చి చివర్లో చరణ్ vs నాని బాక్సాఫీస్ పోరు చూడబోతున్నాం.