చందమామలా మెరిసిన చాందిని చౌదరి – సాంప్రదాయ లుక్‌తో సోషల్ మీడియాలో హాట్ టాపిక్

సినీ నటి చాందిని చౌదరి ఇటీవల సోషల్ మీడియాలో మరోసారి అభిమానులను ఆకట్టుకుంది. సాధారణంగా పెద్దగా సినిమాలు చేయకపోయినా, చేసిన పాత్రలతో మాత్రం ప్రేక్షకుల హృదయాల్లో చోటు సంపాదించుకుంది. డాకు మహారాజ్ చిత్రంలో బాలకృష్ణ సరసన కనిపించి తక్కువ సమయంలోనే మంచి గుర్తింపు తెచ్చుకుంది ఈ బ్యూటీ. ఇప్పుడీ అందాలతార తన తాజా చిత్రం “సంతాన ప్రాప్తిరస్తు” ప్రమోషన్లలో బిజీగా ఉంది. నవంబర్ 14న థియేటర్లలో విడుదలకానున్న ఈ సినిమాపై ఆసక్తి పెంచడానికి చాందిని సోషల్ మీడియాలో చురుకుగా మారింది. తాజాగా పచ్చని సాంప్రదాయ చుడీదార్‌లో కనిపించి అభిమానుల మనసులు దోచుకుంది. సింపుల్ మేకప్, జుట్టును కాస్త స్టైల్‌లో వదిలేసి, పెద్ద చెవిపోగులతో ఆమె లుక్ అందరినీ ఆకట్టుకుంది. ఈ ఫోటోలు ప్రస్తుతం సోషల్ మీడియాలో వైరల్‌గా మారాయి.

సంతాన ప్రాప్తిరస్తు చిత్రంలో విక్రాంత్ హీరోగా నటిస్తుండగా, మధుర ఎంటర్టైన్‌మెంట్ మరియు నిర్వి ఆర్ట్స్ సంయుక్తంగా ఈ సినిమాను నిర్మిస్తున్నాయి. మధుర శ్రీధర్ రెడ్డి, నిర్వి హరి ప్రసాద్ రెడ్డి నిర్మాణ బాధ్యతలు చేపట్టగా, దర్శకుడు అజరు అరసాడ సంగీతం అందించారు. ఇటీవల విడుదలైన “తెలుసా నీకోసమే” లిరికల్ సాంగ్ ప్రేక్షకులను ఆకట్టుకుంది. చాందిని విశాఖపట్నంలో జన్మించి, బెంగళూరులో ఇంజనీరింగ్ పూర్తి చేసింది. షార్ట్ ఫిల్మ్స్ క్వీన్గా పేరు తెచ్చుకున్న ఆమె, కేటుగాడు, కలర్ ఫోటో, సమ్మతమే, గామి వంటి చిత్రాలతో నటిగా ఎదిగింది. ఇప్పుడు సంతాన ప్రాప్తిరస్తుతో మరోసారి ప్రేక్షకుల మనసులు గెలుచుకునే ప్రయత్నంలో ఉంది.