ఛాంపియన్ మూవీ విజయాన్ని సెలబ్రేట్ చేసిన యూనిట్

స్వప్న సినిమాస్ బ్యానర్‌పై జీ స్టూడియోస్ సమర్పణలో తెరకెక్కిన ‘ఛాంపియన్’ చిత్రం డిసెంబర్ 25 న ప్రపంచవ్యాప్తంగా విడుదలై బ్లాక్‌బస్టర్ హిట్‌గా విజయవంతంగా ప్రదర్శితమవుతోంది. రోషన్, అనస్వర రాజన్ లీడ్ రోల్స్‌లో నటించిన ఈ చిత్రానికి ప్రదీప్ అద్వైతం దర్శకత్వం వహించారు. ప్రేక్షకుల నుంచి వస్తున్న అద్భుత స్పందనతో చిత్ర బృందం ‘పీపుల్స్ ఛాంపియన్ సక్సెస్ మీట్’ ను నిర్వహించింది.

ఈ కార్యక్రమంలో హీరో రోషన్ మాట్లాడుతూ, ఛాంపియన్ తమ అందరికీ ఎంతో స్పెషల్ మూవీ అని, ప్రేక్షకులు ఇచ్చిన విజయానికి ధన్యవాదాలు తెలిపారు. దర్శకుడు ప్రదీప్ అద్వైతం ఈ సినిమాకు లాంగ్ రన్ ఉంటుందని, కుటుంబంతో కలిసి చూడాల్సిన సినిమా అని అన్నారు. నిర్మాత స్వప్న దత్ ఈ విజయం గొప్ప సాటిస్ఫాక్షన్ ఇచ్చిందని పేర్కొన్నారు. మిక్కీ జే మేయర్ సంగీతం, నటీనటుల అద్భుతమైన పెర్ఫార్మెన్సులు, భావోద్వేగ కథనం కలిసి ‘ఛాంపియన్’ ను ప్రేక్షకుల హృదయాలకు చేరువ చేశాయని టీమ్ పేర్కొంది.