కలక్షన్స్ లో దూసుకు పోతున్న ఛాంపియన్ మూవీ

బాక్సాఫీస్ వద్ద పవర్‌ఫుల్ ఓపెనింగ్ సాధించిన తర్వాత, ఛాంపియన్ రెండో రోజుకూ తన జోరును కొనసాగిస్తోంది. రోషన్, అనస్వర రాజన్ ప్రధాన పాత్రల్లో నటించిన ఈ స్పోర్ట్స్ డ్రామా చిత్రం మొదటి రోజున రూ.4.5 కోట్ల గ్రాస్ వసూలు చేసి, రెండో రోజున కూడా స్థిరమైన ప్రదర్శన కనబరిచింది. రెండో రోజున దర్శకుడు ప్రదీప్ అద్వైతం తెరకెక్కించిన ఈ చిత్రం రూ.2.41 కోట్లకు పైగా వసూలు చేయడంతో, రెండు రోజుల్లో మొత్తం ప్రపంచవ్యాప్తంగా వసూళ్లు రూ.6.91 కోట్లకు చేరాయి. ప్రేక్షకుల నుంచి మంచి స్పందనతో పాటు పాజిటివ్ వర్డ్ ఆఫ్ మౌత్ రావడమే ఈ విజయానికి ప్రధాన కారణమని ట్రేడ్ వర్గాలు చెబుతున్నాయి.

ప్రస్తుతం క్రిస్మస్ విడుదలైన చిత్రాలలో ఛాంపియన్ బుక్‌మైషో అడ్వాన్స్ బుకింగ్స్‌లో టాప్‌లో నిలిచింది. ముఖ్యంగా అర్బన్ సెంటర్లలో ఈ చిత్రానికి ఆక్యుపెన్సీ లెవెల్స్ అధికంగా ఉన్నాయి. ఈ విజయానికి ప్రధాన కారణంగా స్వప్న సినిమా నిర్వహించిన దూకుడు ప్రమోషన్లు నిలిచాయి. గిరా గిరా పాట విడుదలకు ముందే మంచి హైప్ క్రియేట్ చేసి, ఇప్పుడు అదే థియేటర్లలో ప్రేక్షకుల రాకగా మారుతోంది.

రోషన్ కెరీర్‌లో ఛాంపియన్ ఒక కీలక మలుపుగా భావిస్తున్నారు. అనస్వర రాజన్ ప్రెజెన్స్ కూడా కథకు కొత్తదనం, ఆకర్షణను తీసుకొచ్చింది. తెలంగాణ మార్కెట్‌లో ఈ చిత్రం ప్రత్యేకంగా మంచి ప్రదర్శన చూపుతోంది. నిజాం బ్యాక్‌డ్రాప్, కథలోని ప్రాంతీయ అనుసంధానం ప్రేక్షకులను బాగా ఆకట్టుకుంటున్నాయి. వీకెండ్ మరియు రాబోయే న్యూ ఇయర్ సెలవుల్లో వసూళ్లు మరింత పెరుగుతాయని ట్రేడ్ వర్గాలు ధీమాగా చెబుతున్నాయి.