చాయ్ షాట్స్ గ్రాండ్ లాంచ్.. ₹20 కోట్ల క్రియేటర్ ఫండ్ తో కొత్త ఎరా

తెలుగు డిజిటల్ ఎంటర్టైన్‌మెంట్‌కి కొత్త దారులను చూపిస్తున్న చాయ్ బిస్కెట్, దేశంలోని తొలి రీజినల్ షార్ట్-సిరీస్ ఓటీటీ ప్లాట్‌ఫారం ‘చాయ్ షాట్స్’ ను గ్రాండ్ గా లాంచ్ చేసింది. స్మార్ట్‌ఫోన్ వినియోగదారుల కోసం రూపొందించిన ఈ “థర్డ్ స్క్రీన్ ప్లాట్‌ఫారం” లో రెండు నిమిషాలకు లోపు ఉండే ప్రీమియం, వెర్టికల్, స్క్రిప్టెడ్ ఎపిసోడ్లు ఉంటాయి. Info Edge Ventures, General Catalyst మద్దతుతో రూపుదిద్దిన చాయ్ షాట్స్, వినియోగదారులను స్ట్రక్చర్డ్, హై-క్వాలిటీ కథల వైపు దారితీస్తూ, దేశవ్యాప్తంగా క్రియేటర్ల కోసం కొత్త అవకాశాలను అందిస్తుంది.

చాయ్ షాట్స్ క్రియేటర్ల కోసం రెండు ముఖ్యమైన అవకాశాలను అందిస్తోంది: మధ్యవర్తులు లేకుండా నేరుగా కథలను పిచ్ చేసుకునే “క్రియేటర్ గేట్‌వే” మరియు రాబోయే ఆరు నెలల్లో 200+ క్రియేటర్లతో ఒరిజినల్ షోస్ రూపొందించేందుకు ₹20 కోట్ల క్రియేటర్ ఫండ్. హీరో, నిర్మాత రానా దగ్గుబాటి, ఇతర ఇన్వెస్టర్లు ఈ లాంచ్ లో పాల్గొని, క్రియేటర్లకు ఎక్స్ట్రీమ్ పవర్ ఇవ్వడంపై, సినిమాలాంటి కంటెంట్ సృష్టించడంలో ఆశాజనకమైన దృక్కోణాన్ని తెలిపారు. చాయ్ షాట్స్ త్వరలో హిందీ, తమిళం, కన్నడ, మలయాళం, మరాఠీ, బంగ్లా, అస్సామీస్ భాషల్లో విస్తరించి, భారత్‌లోని మొబైల్ ప్రేక్షకులకు ప్రత్యేకమైన షార్ట్-ఫార్మాట్ ఎంటర్టైన్‌మెంట్ అందించనుంది.