హాలీవుడ్‌లో సంచలనం సృష్టిస్తున్న ‘ఆబ్సెషన్’ కొత్త రికార్డుల దిశగా?

హాలీవుడ్ హారర్ చిత్రం “ఆబ్సెషన్” ప్రస్తుతం అమెరికా బాక్సాఫీస్ వద్ద భారీ సంచలనం సృష్టిస్తోంది. కేవలం 1 మిలియన్ డాలర్ల బడ్జెట్‌తో తెరకెక్కిన ఈ సినిమా ఇప్పుడు రికార్డు స్థాయి వసూళ్ల దిశగా దూసుకెళ్తోంది. విడుదలైన మొదటి వీకెండ్‌కంటే రెండో వీకెండ్‌లో మరింత భారీ కలెక్షన్లు సాధించే అవకాశముందని ట్రేడ్ వర్గాలు అంచనా వేస్తున్నాయి. ముఖ్యంగా మైఖేల్ జాక్సన్ బయోపిక్ “మైఖేల్”ను కూడా కలెక్షన్లలో వెనక్కి నెట్టడంతో ఈ సినిమాపై ప్రపంచవ్యాప్తంగా చర్చ మొదలైంది.

ఇండే నవరెట్టే, కరీ బార్కర్ ప్రధాన పాత్రల్లో నటించిన ఈ హారర్ థ్రిల్లర్‌ను ప్రేక్షకులు విపరీతంగా ఆదరిస్తున్నారు. హింసాత్మక కథనం, ఉత్కంఠభరితమైన హారర్ ఎలిమెంట్స్ సినిమాకు ప్రధాన బలంగా మారాయి. ప్రపంచవ్యాప్తంగా ఈ చిత్రం 100 మిలియన్ డాలర్లకు పైగా వసూళ్లు సాధించే అవకాశం ఉందని విశ్లేషకులు చెబుతున్నారు. తక్కువ బడ్జెట్‌తో తెరకెక్కినా కంటెంట్ బలంగా ఉంటే ప్రపంచ స్థాయిలో విజయాలు సాధించవచ్చని “ఆబ్సెషన్” మరోసారి నిరూపించిందని సినీ వర్గాలు అభిప్రాయపడుతున్నాయి.