‘రాంబుజ్జి’గా దివ్యేందు శర్మా ఎంట్రీ.. ‘పెద్ది’లో మరో పవర్‌ఫుల్ సర్ప్రైజ్!

దర్శకుడు బుచ్చిబాబు సానా తెరకెక్కిస్తున్న ‘పెద్ది’ సినిమాపై రోజురోజుకూ అంచనాలు పెరుగుతున్నాయి. భారీ తారాగణంతో రూపొందుతున్న ఈ చిత్రంలో ప్రముఖ హిందీ నటుడు దివ్యేందు శర్మా ‘రాంబుజ్జి’ అనే కీలక పాత్రలో కనిపించనున్నట్లు ప్రకటించారు. తాజాగా విడుదలైన ఆయన క్యారెక్టర్ పోస్టర్ సోషల్ మీడియాలో వైరల్ అవుతూ అభిమానుల్లో ఆసక్తిని పెంచుతోంది.

రామ్ చరణ్ సరసన జాన్వీ కపూర్ హీరోయిన్‌గా నటిస్తున్న ఈ చిత్రంలో శివరాజ్ కుమార్, జగపతి బాబు, బొమన్ ఇరానీ వంటి ప్రముఖులు కీలక పాత్రలు పోషిస్తున్నారు. ఆస్కార్ విజేత ఏఆర్ రెహమాన్ సంగీతం అందిస్తుండగా, రత్నవేలు సినిమాటోగ్రఫీపై కూడా భారీ అంచనాలు ఉన్నాయి. మే 18న విడుదల కానున్న ట్రైలర్‌పై అభిమానులు ఆసక్తిగా ఎదురుచూస్తున్నారు.