తెల్లకాగితం టీజర్‌తో లవ్‌స్టోరీపై బజ్‌

‘కోర్ట్‌’ ఫేమ్‌ హర్ష్‌ రోషన్‌, నక్షత్ర జంటగా నటించిన ‘తెల్లకాగితం’ టీజర్‌ తాజాగా విడుదలైంది. ఈ చిత్రానికి డెబ్యూ దర్శకుడు రమేష్‌ బండ్రెడ్డి దర్శకత్వం వహించారు. అరుణాచల క్రియేషన్స్‌ బ్యానర్‌పై కృష్ణ కొమ్మలపాటి నిర్మించారు. వాస్తవ ఘటన ఆధారంగా తెరకెక్కుతున్న ఈ సినిమా యూత్‌ఫుల్‌ రొమాంటిక్‌ మ్యూజికల్‌గా రూపొందుతోంది.

హర్ష్‌ రోషన్‌, నక్షత్ర ప్రధాన పాత్రల్లో నటిస్తున్న ఈ చిత్రానికి విజయ్‌ బుల్గానిన్‌ సంగీతం అందిస్తున్నారు. ఇప్పటికే ‘చిలక’ పాటతో సినిమాపై ఆసక్తి పెరగగా, తాజాగా విడుదలైన టీజర్‌తో అంచనాలు మరింత పెరిగాయి. ‘తెల్లకాగితం’ ప్రపంచవ్యాప్తంగా ఈ ఏడాది అక్టోబర్‌ 2న థియేటర్లలోకి రానుంది.