'అనుమాన పక్షి’ సినిమాలో బ్రహ్మాజీ క్యారెక్టర్ రివీల్ చేసిన మూవీ యూనిట్!

‘అనుమాన పక్షి’ చిత్ర బృందం తాజాగా బ్రహ్మాజీని “బ్రహ్మోస్ – ది ట్రేసర్ బుల్లెట్” పాత్రలో పరిచయం చేస్తూ ప్రత్యేక పోస్టర్‌ను విడుదల చేసింది. లక్ష్యాన్ని ఎప్పుడూ తప్పని పాత్రగా ఈ క్యారెక్టర్‌ను చూపిస్తూ విడుదలైన పోస్టర్ ప్రేక్షకుల దృష్టిని ఆకర్షిస్తోంది. ఇదే సందర్భంగా ఈ నెల 11 న టీజర్ విడుదల కానుందని మేకర్స్ ప్రకటించడంతో సినిమాపై ఆసక్తి మరింత పెరిగింది.

డీజే టిల్లు రచయిత-దర్శకుడి నుంచి వస్తున్న ఈ చిత్రం ఫిబ్రవరి 2026 లో థియేటర్లలో విడుదలకు సిద్ధమవుతోంది. ఇప్పటికే క్యారెక్టర్ పోస్టర్లతో హైప్ క్రియేట్ చేస్తున్న ‘అనుమాన పక్షి’, టీజర్‌తో కథ, టోన్‌పై మరింత స్పష్టత ఇవ్వనుందని అభిమానులు ఆశిస్తున్నారు.