భీమ్స్ కన్నీటి ప్రయాణం – ఆ ఒక్క కాల్ ఎలా ఆయన జీవితాన్ని మార్చిందో!

జీవితంలో కష్టసుఖాలు సహజం. కొన్నిసార్లు ఎదురయ్యే సమస్యలు మనిషిని పూర్తిగా విరిచేస్తాయి. కానీ ప్రతిభపై విశ్వాసం ఉంచి, దేవుడిపై నమ్మకం పెడితే అదృష్టం తప్పక తలుపు తడుతుందనే విషయం సంగీత దర్శకుడు భీమ్స్ సిసిరోలియో జీవితం మరోసారి నిరూపించింది.

2012లో ఇండస్ట్రీలో అడుగుపెట్టిన భీమ్స్‌కి మొదట్లో గుర్తింపు వచ్చినా, సరైన బ్రేక్ దొరకలేదు. కుటుంబాన్ని పోషించుకోవడమే కష్టంగా మారింది. ఒక దశలో భార్య పిల్లలతో కలిసి ఈ లోకం విడిచి వెళ్లిపోవాలని కూడా నిర్ణయించుకున్నాడు. దానికోసం ఒక సెల్ఫీ వీడియో కూడా తీసుకున్నాడు.

అయితే అదే సమయంలో పీపుల్స్ మీడియా ఫ్యాక్టరీ నుంచి వచ్చిన ఒక ఫోన్ కాల్ ఆయన జీవితాన్ని పూర్తిగా మార్చేసింది. అదే ధమాకా సినిమా ఆఫర్‌. రవితేజ సిఫారసుతో వచ్చిన ఆ అవకాశం ఆయన కెరీర్‌ని గాడిలో పడేసింది. ధమాకా పాటలు సూపర్ హిట్టై భీమ్స్ పేరు టాలీవుడ్ అంతటా మారుమ్రోగింది.

ఇప్పుడు ఆయన వెంకటేష్తో సంక్రాంతి రిలీజ్‌కి, చిరంజీవితో మరో ప్రాజెక్ట్‌కి పనిచేస్తున్నారు. ఇవన్నీ దేవుడి ఆశీర్వాదంగా భావిస్తున్నాడు భీమ్స్‌. మాస్ జాతర ఈవెంట్‌లో రవితేజను దేవుడిలా పొగడటానికి ఇదే కారణం.

మన టైమ్ వచ్చినప్పుడు అద్భుతాలు ఎలా జరుగుతాయో భీమ్స్ జీవితం స్పష్టంగా చూపిస్తోంది. ఆయన కంపోజ్ చేసిన మాస్ జాతర బ్యాక్‌గ్రౌండ్ స్కోర్‌పై ఇప్పటికే పాజిటివ్ టాక్ ఉంది. తాజాగా రిలీజ్ అయిన మీసాల పిల్ల సాంగ్‌తో సోషల్ మీడియా అంతా ఊగిపోతోంది. సహనం, కృషి, ప్రతిభ ఉంటే విజయాన్ని ఎవ్వరూ ఆపలేరని భీమ్స్ సిసిరోలియో మరోసారి నిరూపించాడు.