ప్రీమియర్ వసూళ్లలో బలమైన ఆరంభం చేసిన అవతార్ ఫైర్ అండ్ ఆష్!

అవతార్ సిరీస్‌లో మూడో భాగంగా రూపొందిన అవతార్: ఫైర్ అండ్ ఆష్ కు డిసెంబర్ 18 న గ్లోబల్ స్థాయిలో ప్రీమియర్ జరిగింది. గ్లోబల్ ప్రీమియర్‌లకు వచ్చిన స్పందనతో సినిమా బాక్సాఫీస్ పరంగా మంచి ఆరంభం నమోదు చేసినట్లు ట్రేడ్ వర్గాలు వెల్లడిస్తున్నాయి.

పరిశ్రమ అంచనాల ప్రకారం, ఈ చిత్రం ప్రారంభ ప్రీమియర్ వసూళ్లు $340 మిలియన్ల నుంచి $380 మిలియన్ల మధ్య ఉండే అవకాశం ఉంది. అమెరికా దేశీయ మార్కెట్ నుంచి సుమారు $90 మిలియన్లు రానుండగా, మిగతా $250 మిలియన్లకు పైగా అంతర్జాతీయ మార్కెట్ల నుంచి వచ్చే అవకాశం ఉందని నివేదికలు చెబుతున్నాయి. ప్రేక్షకుల స్పందన మరింత బలంగా ఉంటే ఈ సంఖ్యలు పైస్థాయికి చేరే అవకాశం ఉంది.

ఇతర హాలీవుడ్ ఫ్రాంచైజీలతో పోలిస్తే అవతార్ చిత్రాలు సాధారణంగా నెమ్మదిగా ప్రారంభమయ్యే స్వభావం కలిగి ఉన్నప్పటికీ, థియేటర్లలో దీర్ఘకాలం ప్రభావవంతంగా కొనసాగుతాయి. మూడో భాగం కూడా అదే బాటలో నడుస్తుందని అంచనా వేస్తున్నారు. అయితే, అవతార్: ది వే ఆఫ్ వాటర్ మాదిరిగా $2 బిలియన్ మార్క్‌ను చేరుకుంటుందా లేదా అన్నది, వేచి చూడాల్సిన అంశంగా మారింది.