దీపికా నా లక్కీ చార్మ్ - అట్లీ

ఐకాన్ స్టార్ అల్లు అర్జున్, కోలీవుడ్ సెన్సేషనల్ డైరెక్టర్ అట్లీ కాంబినేషన్‌లో తెరకెక్కుతున్న ‘AA22’ సినిమాపై అంచనాలు భారీగా ఉన్నాయి. సన్ పిక్చర్స్ బ్యానర్‌పై కళానిధి మారన్ నిర్మిస్తున్న ఈ సైన్స్ ఫిక్షన్ చిత్రంలో దీపికా పదుకొణె హీరోయిన్‌గా నటిస్తోంది. తల్లి అయిన తర్వాత దీపికా రీఎంట్రీ ఇస్తున్న ఈ సినిమా ఇప్పటికే హాట్ టాపిక్‌గా మారింది.

ఇటీవల ఓ ఇంటర్వ్యూలో మాట్లాడిన అట్లీ, పనిగంటల వివాదాల నేపథ్యంలో దీపికాపై వస్తున్న వార్తలకు కౌంటర్ ఇచ్చారు. ‘‘దీపికా నాకు లక్కీ చార్మ్. మాతృత్వం తర్వాత ఆమెను ఈ సినిమాలో కొత్తగా చూస్తారు. ఆమె ఒక అద్భుతమైన నటి’’ అంటూ ప్రశంసలు కురిపించారు. అలాగే బన్నీ ఫ్యాన్స్‌కు అప్‌డేట్స్‌పై హామీ ఇస్తూ, ఎలాంటి సాకులు లేకుండా కష్టం, ప్యాషన్‌తో ఒక భారీ విజువల్ వండర్‌ను సిద్ధం చేస్తున్నామని అట్లీ తెలిపారు.