మూవీ ఛాన్సెస్‌పై ఎషియన్ సినిమాస్ ఎలాంటి ప్రకటన ఇవ్వలేదు

ఎషియన్ సినిమాస్ సోషల్ మీడియాలో ప్రచారంలో ఉన్న మూవీ ఛాన్సెస్‌పై స్పష్టత ఇచ్చింది. ప్రస్తుతం ప్రచారం జరుగుతున్న కాస్టింగ్ కాల్స్‌తో తమకు ఎలాంటి సంబంధం లేదని సంస్థ వెల్లడించింది. తమ పేరుతో తిరుగుతున్న పోస్టర్లు అనధికారికమైనవి, ప్రజలను తప్పుదోవ పట్టించే విధంగా ఉన్నాయని తెలిపింది.

ప్రజలు ఇలాంటి నకిలీ ప్రకటనల పట్ల అప్రమత్తంగా ఉండాలని, తెలియని లేదా ధృవీకరించని వ్యక్తులతో వ్యక్తిగత వివరాలు పంచుకోకూడదని హెచ్చరించింది. ఏవైనా కాస్టింగ్ అవకాశాలపై స్పందించే ముందు అధికారిక వనరులను మాత్రమే నమ్మాలని ఎషియన్ సినిమాస్ సూచించింది.