విజయ్ మాస్ లుక్ హైలైట్… ‘జన నాయకుడు’ ట్రైలర్‌కు కౌంట్‌డౌన్!

దళపతి విజయ్ నటిస్తున్న ప్రతిష్టాత్మక చిత్రం జన నాయకుడు ట్రైలర్ జనవరి 3 సాయంత్రం 6:45 గంటలకు విడుదల కానుందని చిత్ర బృందం అధికారికంగా ప్రకటించింది. తాజాగా విడుదలైన పోస్టర్‌లో విజయ్ తీవ్రంగా, శక్తివంతమైన లుక్‌లో కనిపిస్తూ అభిమానుల్లో ఉత్కంఠను పెంచింది. హెచ్. వినోత్ దర్శకత్వంలో రూపొందుతున్న ఈ చిత్రాన్ని KVN ప్రొడక్షన్స్ నిర్మిస్తుండగా, PVR ఇనాక్స్ పిక్చర్స్ సమర్పిస్తోంది.

అనిరుధ్ రవిచందర్ సంగీతం అందిస్తున్న జన నాయకుడు ఓ హై-వోల్టేజ్ యాక్షన్ డ్రామాగా ప్రేక్షకుల ముందుకు రానుంది. పోస్టర్ మొత్తం కథలోని తీవ్రత, యాక్షన్, భావోద్వేగాల్ని సూచిస్తోంది. ట్రైలర్ విడుదలకు ఇంకా కొద్ది గంటలే ఉండటంతో, విజయ్ అభిమానుల్లో ఉత్సాహం తారాస్థాయికి చేరింది.