అల్లు అర్జున్ సినిమాలోకి మరో స్టార్ హీరోయిన్.. అట్లీ ప్లాన్ మామూలుగా లేదుగా!

టాలీవుడ్ స్టార్ అల్లు అర్జున్ ఇప్పుడు మరో భారీ ప్రాజెక్ట్‌తో హాట్ టాపిక్‌గా మారారు. ఇప్పటికే పుష్ప 2తో దేశవ్యాప్తంగా దుమ్మురేపుతున్న బన్నీ, ఇప్పుడు బ్లాక్‌బస్టర్ డైరెక్టర్ అట్లీతో చేతులు కలిపారు. ఈ కాంబోలో తెరకెక్కుతున్న సైన్స్‌ఫిక్షన్ యాక్షన్ ఎంటర్‌టైనర్ “AA22xA6” పై అంచనాలు ఆకాశాన్నంటుతున్నాయి.సుమారు ₹1000 కోట్ల భారీ బడ్జెట్‌తో రూపొందుతున్న ఈ సినిమాలో బాలీవుడ్ క్వీన్ దీపికా పదుకొనే  హీరోయిన్‌గా నటిస్తున్నారు. బన్నీ ఈ సినిమాలో రెండు విభిన్న పాత్రల్లో ఒకటి సాధారణ మనిషిగా, మరొకటి సైబర్ వారియర్‌గా కనిపించనున్నాడు. టైమ్ ట్రావెల్, పారలల్ డైమెన్షన్స్ వంటి సై-ఫై ఎలిమెంట్స్ ఈ సినిమాకు స్పెషల్ అట్రాక్షన్ అవుతాయి.

రష్మిక మందన్న, జాన్వీ కపూర్, భాగ్యశ్రీ బోర్సే, విజయ్ సేతుపతి కూడా కీలక పాత్రల్లో కనిపించనున్నారు. తాజాగా మృణాల్ ఠాకూర్ కూడా ఈ భారీ ప్రాజెక్ట్‌లో చేరారు.అట్లీ అల్లు అర్జున్ కాంబినేషన్ ఇండియన్ సినీ ఇండస్ట్రీలోనే కాదు, ప్రపంచవ్యాప్తంగా కూడా భారీ హైప్ క్రియేట్ చేస్తోంది. “ఇది కేవలం సినిమా కాదు  భారతీయ సై-ఫై సినిమాల కొత్త యుగం” అని ఇండస్ట్రీ టాక్.