ఏఎన్నార్ పై అన్నపూర్ణ స్టూడియో పోస్ట్!

అన్నపూర్ణ స్టూడియోస్ ప్రముఖ నటుడు అక్కినేని నాగేశ్వరరావు సినీ ప్రయాణాన్ని గుర్తుచేస్తూ భావోద్వేగ పోస్ట్‌ను షేర్ చేసింది. మొదటిసారి మేకప్ వేసుకుని కెమెరా ముందుకు వచ్చిన యువకుడు భారతీయ సినీ చరిత్రలో చిరస్థాయిగా నిలిచే మహానటుడిగా ఎదిగిన విషయాన్ని ఆ పోస్ట్‌లో గుర్తు చేసింది.

ఏఎన్నార్ సినీ ప్రయాణంలో ఆ తొలి అడుగు ఎప్పటికీ ప్రత్యేకమని అన్నపూర్ణ స్టూడియోస్ పేర్కొంది. తెలుగు సినీ పరిశ్రమకు ఆయన అందించిన సేవలు, నటుడిగా సాధించిన గౌరవం తరతరాలకు స్ఫూర్తిగా నిలుస్తూనే ఉన్నాయి. #ANRLivesOn హ్యాష్‌ట్యాగ్‌తో షేర్ చేసిన ఈ పోస్ట్ అభిమానులను భావోద్వేగానికి గురిచేస్తోంది.