యశ్‌పై అల్లు అరవింద్ వ్యాఖ్యలు.. స్పందించిన ఆర్జీవీ

‘కేజీఎఫ్’ తర్వాత యశ్ నటించిన ‘టాక్సిక్: ఎ ఫెయిరీ టేల్ ఫర్ గ్రోన్-అప్స్’ సినిమాకు మిశ్రమ స్పందన రావడంతో పాటు బాక్సాఫీస్ పనితీరుపై కూడా చర్చ జరుగుతోంది. ఈ నేపథ్యంలో నిర్మాత అల్లు అరవింద్ గతంలో చేసిన “కేజీఎఫ్‌కు ముందు యశ్ ఎవరు?” అనే వ్యాఖ్యలు మరోసారి తెరపైకి వచ్చాయి. యశ్ తల్లి పుష్ప అరుణ్ కుమార్ ఆ వ్యాఖ్యలపై స్పందించడంతో వివాదం మరింత వేడెక్కింది.

తాజాగా దర్శకుడు రామ్ గోపాల్ వర్మ ఈ వివాదంపై స్పందిస్తూ అల్లు అరవింద్ వ్యాఖ్యలను సమర్థించారు. పెద్ద సినిమాలు నటులను స్టార్‌లుగా నిలబెట్టగలవనే ఉద్దేశంతోనే ఆయన ఆ వ్యాఖ్యలు చేశారని ఆర్జీవీ పేర్కొన్నారు. ‘బాహుబలి’కి ముందు హిందీ ప్రేక్షకులకు ప్రభాస్, ‘కాంతార’కు ముందు రిషభ్ శెట్టి గురించి పెద్దగా తెలియదని ఉదాహరణగా చెప్పారు. అలాగే హాలీవుడ్‌లోనూ నటుల స్టార్‌డమ్ కంటే కథ, కాన్సెప్ట్, దర్శకుడి విజన్‌కు ప్రాధాన్యం ఇస్తారని వ్యాఖ్యానించారు.