సెన్సార్ పూర్తి చేసుకున్న అల్లరి నరేష్ సినిమా.. రిలీజ్‌కు రెడీ

అల్లరి నరేష్ మరోసారి తనకు బాగా కలిసొచ్చే కామెడీ జానర్‌లో ప్రేక్షకులను అలరించేందుకు సిద్ధమవుతున్నాడు. ఆయన హీరోగా నటిస్తున్న ‘రంభ ఊర్వశి మేనక’ సినిమా సెన్సార్ కార్యక్రమాలను పూర్తి చేసుకున్నట్లు తెలుస్తోంది. చంద్ర మోహన్ దర్శకత్వం వహించిన ఈ చిత్రానికి సెన్సార్ బోర్డు యూ/ఏ సర్టిఫికెట్ మంజూరు చేసినట్లు సమాచారం. దీంతో సినిమా థియేట్రికల్ రిలీజ్‌కు లైన్ క్లియర్ అయింది.

సురభి, రాశి సింగ్, విష్ణు ప్రియ, ప్రిషా సింగ్, వెన్నెల కిషోర్ తదితరులు ఈ చిత్రంలో కీలక పాత్రలు పోషించారు. చైతన్ భరద్వాజ్ సంగీతం అందించారు. సెప్టెంబర్ 4న సినిమాను గ్రాండ్‌గా విడుదల చేసేందుకు మేకర్స్ సన్నాహాలు చేస్తున్నారు. అల్లరి నరేష్ కామెడీకి తగ్గట్టుగా ఈ సినిమా ప్రేక్షకులకు మంచి వినోదాన్ని అందిస్తుందనే నమ్మకంతో చిత్రబృందం ఉంది.