అలియా భట్ దూకుడు..

బాలీవుడ్ స్టార్ అలియా భట్ చిన్న విరామం తర్వాత మళ్లీ బిజీ షెడ్యూల్‌లోకి అడుగుపెట్టింది. వరుసగా సినిమాలు సైన్ చేస్తూ తన కెరీర్‌ను వేగంగా ముందుకు తీసుకెళ్తోంది. ఆమె ప్రస్తుతం ఆల్ఫా సినిమాలో నటిస్తుండగా, లవ్ అండ్ వార్లో రణబీర్ కపూర్, విక్కీ కౌశల్తో కలిసి కనిపించనుంది. ఈ ప్రాజెక్ట్‌పై ఇప్పటికే భారీ ఆసక్తి నెలకొంది.

ఇంకా తుంబాడ్ 2 లో కూడా అలియా కీలక పాత్రలో నటించనుందని సమాచారం. ఈ సినిమాను ఆదేశ్ ప్రసాద్ దర్శకత్వం వహిస్తుండగా, సోహమ్ షా, నవాజుద్దీన్ సిద్ధిఖీ ప్రధాన పాత్రల్లో నటిస్తున్నారు. ఆమె పాత్ర చిన్నదైనా కథలో కీలక మలుపు తీసుకురానుందని తెలుస్తోంది. వివిధ జానర్ల సినిమాలతో అలియా తన వెర్సటిలిటీని మరోసారి నిరూపించుకోనుంది.